- Auglýsing -
Stórleikarinn Leonardo DiCaprio lenti í frekar leiðinlegu atviki um helgina en hann hefur verið sigla um Miðjarðarhafið á snekkju.
Óskarsverðlaunaleikarinn var að njóta sín í hafinu þegar hann var stunginn af marglyttu ofarlega í hægra lærið. Hann fór um leið um borð í snekkjuna þar sem starfsmenn hennar þutu til að hreinsa og þurrka sárið en að sögn heimildarmanna erlenda miðla var stungan ekki alvarleg og sást til DiCaprio hlæja að atvikinu.
Undanfarna daga og vikur hefur DiCaprio verið að njóta sín vel í Evrópu með Vittoria Ceretti, kærustu sinni, og leikurum á borð við Lukas Haas og Tobey Magurie.
