Hinn afkastamikli bandaríski leikari Louis Gossett Jr. er látinn, 87 ára að aldri. Lést hann í Santa Monica í Kaliforníu.
Louis var ákaflega afkastamikill leikari en árið 1983 hlaut hann Óskarsverðlaunin fyrir hlutverk sitt í kvikmyndinni An Officer and a Gentlemen en með því varð hann fyrsti svarti maðurinn til að hlauta þau verðlaun fyrir besta leik í aukahlutverki. Þá hlaut hann Emmy-verðlaun fyrir hlutverk sitt í sjónvarpsþáttunum Roots en alls hlaut hann sjö aðrar Emmy tilnefningar en þá síðustu árið 2020 fyrir hlutverk sitt í þáttunum Watchmen.
Louis var með eindæmum afkastamikill leikari en á ferlinum lék hann í á þriðja hundrað kvikmynda og sjónvarpsþátta, auk þess sem hann lék á sviði. Hvorki meira né minna en 12 kvikmyndir eru væntanlegar með honum á næstunni en þær eru annað hvort nýkláraðar eða í þróun.
Gosset lætur eftir sig tvo uppkomna syni og nokkur barnabörn.