Hljómsveitin Matching Drapes gefur út nýtt lag í dag.
„Í tilefni af alþjóðlegum baráttudegi kvenna erum við spennt að tilkynna útgáfu nýjasta laginu okkar „Hot Girl Walk“,“ segir í tilkynningu frá hljómsveitinni Matching Drapes, í tilefni af útgáfu nýjasta lags hennar. Hljómsveitin er indie rokk/post-punk hljómsveit með aðsetur í Berlín en í vor kemur út þeirra fyrsta EP plata.
„Í kjölfar útgáfu lagsins okkar „Dramatic“ sem kom út í janúar og fjallaði um valdeflingu og samfélagslegar staðalmyndir sem lagðar eru á konur, miðlar „Hot Girl Walk“ kvenlegri orku og mikilvæginu að fagna einstaklingnum eins og hann er,“ segir í tilkynningu bandsins.
Að sögn hljómsveitarinnar er lagið táknrænt fyrir þá „stelpubyltingu“ sem hefur vaxið síðan hún fór af stað í fyrra. „Þetta lag er táknrænt fyrir vaxandi „stelpubyltinguna“ sem fór á flug á síðasta ári og gerði konum um allan heim kleift að njóta sjálfsmyndar sinnar án takmarkana. Of lengi hafa konur sætt óraunhæfum stöðlum, þrýst á þær að viðhalda gallalausu ytra útliti og takmarkaðar af samfélagslegum væntingum. „Stelpubyltingin“ táknar uppreisn gegn þessum viðmiðum, og veitir konum frelsi til að brjóta niður þennan samfélagssáttmála án þess að þurfa að óttast dóm samfélagsins eða að upplifa sig sem ófullnægjandi í samfélagi manna. Hvort sem það er að umfaðma ófullkomleikann, njóta „girl-dinner“ (sem varð vinsælt á TikTok) með vinkonunum, eða líða niður Laugarveginn á „heitri stelpugöngu“, þá fagnar þetta lag margþættum kvenleikanum og valdeflingunni sem er að finna í sjálfinu.“
Hægt er að hlusta á nýja lagið hér fyrir neðan.