Áhorfstölur sýna vinsældir skemmtiþáttarins Vikan með Gísla Marteini en fólk virðist skiptast í tvo flokka, annað hvort elskar það þáttinn eða hatar enda ekki hægt að gera öllum til geðs.
Ósagt skal látið hvorum flokknum Þórunn Hrefna Sigurjónsdóttir, bókmenntafræðingur og blaðamaður tilheyrir en hún gerði góðlátlegt grín að Gísla Marteini á Facebook en gestir gærkvöldsins voru Ari Eldjárn, Svandís Svavarsdóttir og Guðjón Davíð Karlsson eða Gói eins og hann er gjarnan kallaður. Gísli Marteinn virtist nokkuð upp með sér með gestavalið enda allt fólk sem komið er af mikilmennum.
Þórunn Hrefna skrifaði eftirfarandi hæðnisfærslu:
„“Afi þinn var forseti, pabbi þinn var ráðherra, pabbi þinn var biskup…” Mikið er ég fegin að Gísli Marteinn sé ekki að draga einhverja helvítis alþýðudóna uppá dekk.“