Millie Bobby Brown svarar aðdáendum sínum sem segja breska hreiminn vera að hverfa hjá ungu leikkonunni.
Stranger Things stjarnan Millie Bobby Brown var gagnrýnd eftir að hafa birst í sjónvarpsviðtali nýverið, en aðdáendur hennar sögðu hana vera komna með meira amerískan hreim, á kostnað breska hreimsins sem henni sé eðlislægur, enda bresk. Þessu svaraði Millie.
„Leyfðu mér að tjá mig um þetta snöggvast,“ sagði hin 20 ára leikkona við TikTok-stjörnuna Max Balegde í myndskeiði í gær. „Ég er leikkona. Almenningur sá mig alast upp. Ég ólst upp í Ameríku. Ég kem á sett og ég er leikkona og ég aðlagast. Þannig að ég vil herma eftir fólki.“
Sagði Millie að hún „gæti ekki gert að því“ ef hún hljómaði meira amerísk, þegar hún er í kringum einhvern eins og unnusta sinn, Jake Bongiovi eða spjallþáttastjórnandann Jimmy Fallon. En hún segir það ekki aðeins gerast í kringum Ameríkana, heldur viðurkenndi hún að þegar hún er í Englandi, snaraukist breski hreimurinn.
„Ég geri þetta ekki viljandi,“ útskýrði hún. „Mér þykir leitt ef þetta móðgar þig. Ok, en hlustaðu, ég er að reyna mitt besta. Ég er að reyna mitt besta!“
Max var fljótur að verja hana: „Hún er Millie Bobby Brown og hún getur talað á þann hátt sem hún vill.“
Til að hjálpa henni að sanna það hversu mikill Breti hún væri, gaf áhrifavaldurinn henni gjafabréf á hinn geysivinsæla veitingastað, Nando´s, sem hún þakklát þáði og sagði: „Veistu að ég er að fara að borða á Nando´s í hádeginu? Ég ætla í alvörunni að nota þetta.“
Hreimur leikkonunnar vakti athygli þegar hún mætti í viðtal til Jimmy Fallon í The Tonight Show spjallþáttinn en þar talaði hún meðal annars um trúlofun sína og sonar Jon Bon Jovi.
„Breski hreimurinn hennar heyrist varla lengur,“ skrifaði einn virkur í athugasemdum og annar bætti við: „Hún ber fram ákveðin orð eins og Breti en hrynjandinn sem hún notar er svo amerískur.“
Einhverjir aðdáendur áttuðu sig á ástæðunni, að hún sé búin að vera mikið með unnustanum, Jake, sem er fæddur í New Jersey. „Ége held að hún sé bara að glata hreimnum af því að hún eyðir svo miklum tíma í Bandaríkjunum með unnustanum.“
Nýjasta kvikmynd Millie Bobby Brown heitir Damsel og kemur brátt í kvikmyndahús.
Fréttin er unnin upp úr frétt eonline.com.