Móðir hins hálf íslenska Isaac Guderian, sem keppir fyrir hönd Þýskalands í úrslitum Eurovision söngvakeppninnar í kvöld, segir son sinn taka keppninni með ró, í samtali við Mannlíf.
Elísabet Guderian, móðir Isaacs, sem stígur á Eurovisionsviðið fyrir hönd Þýskalands í kvöld segir fjölskylduna spennta fyrir kvöldinu. „Jú auðvitað erum við spennt en samt afslöppuð og Ísaak líka,“ segir Elísabet í skriflegu svari til Mannlífs, aðspurð um spennustigið. Og hún heldur áfram: „Hann tekur þessu með ró og segist ætla að gera sitt allra besta. Hann er nú búinn að æfa þetta margoft á sviðinu.“
Að sögn Elísabetar er Isaac ekki með mikil tengls við Ísland en þó hafi áhugi hans á landinu vaxið undanfarið.
„Ísaak hefur ekki sterk tengsl við Ísland. Hann ólst upp í Þýskalandi.Hann var ekki oft á Íslandi, en undanfarið hefur áhugi hans á Íslandi vaxið.“