Eftir vel heppnaða fyrstu útgáfu sína árið 2018 snýr Kjass aftur með nýja hljómplötu, Bleed ´n Blend, sem kemur út 12. ágúst.
Tónlistarkonan Fanney Kristjáns Snjólaugardóttir sem kemur fram undir nafninu Kjass hefur vakið athygli fyrir söng sinn, tónsmíðar og tónlistarmyndbönd síðustu ár. Nýja platan hennar ber nafnið Bleed ´n Blend og kemur út 12. ágúst.
Fjögur lög af plötunni eru nú aðgengileg á streymisveitum og hafa nú þegar hlotið góðar viðtökur. Lögin heita Hey You, Please Master, Easy og Bleed ´n Blend – Acoustic Version. Plötu útgáfunni verður svo fagnað með útgáfutónleikum í Reykjavík og Akureyri í ágúst.
„25. ágúst verð ég með útgáfutónleika á Græna hattinum á Akureyri og 27. ágúst í Mengi í Reykjavík. Ég hlakka til að hitta ykkur og fagna útgáfunni,“ segir Fanney í tilkynningu um tónleikana.
Þessa dagana stendur yfir söfnun á Karolinafund fyrir framleiðslu á hljómplötunni. Þar er hægt að kaupa miða á útgáfutónleikana á forkaupsverði.
Hægt er að styrkja verkefnið á Karolinafund hér: https://www.karolinafund.com/
Hér fyrir neðan eru hlekkir á samfélagsmiðla Kjass:
https://www.instagram.com/
https://www.facebook.com/