Raunveruleikastjarnan Kim Kardashian hefur hingað til farið varlega í að tjá sig um samband sitt við grínistann Pete Davidson, en samkvæmt systur hennar, Khloé Kardashian, er hún yfir sig ástfangin.
Út frá nýjustu instagramfærslu Kim, sem birtist fyrr í dag, er óhætt að segja að parið sé eitt það heitasta í Hollywood. Yfir fjórar miljónir manna hafa líkað við færsluna síðan að hún var birt fyrir 4 klukkustundum síðan.
Ástarsamband Kim og Pete hefur vakið mikla forvitni fjölmiðla Vestanhafs, en parið fór leynt með samband sitt í fyrstu. Talið er að Kim og Pete hafi fyrst hist við tökur á skemmtiþættinum Saturday Night Live.
Fyrrverandi eiginmaður Kim, tónlistarmaðurinn Kayne West, hefur þó ekki leynt óánægju sinni með sambandið og farið mikinn í heiftugum yfirlýsingum sínum um Pete.
Kim og Pete sáust fyrst opinberlega saman á frumsýningu á nýjustu þáttaröð The Kardashians og ætlaði þá allt um koll að keyra á samfélagsmiðlum, en parið virðist vekja mikla aðdáun og forvitni almennings hvert sem það fer.
