Menningar-, nýsköpunar og háskólaráðherra Logi Már Einarsson hefur skipað Örn Hrafnkelsson í embætti landsbókavarðar segir í tilkynningu frá stjórnarráðinu
Örn mun taka við starfi landsbókavarðar um næstu mánaðarmót samhliða því að Ingibjörg Steinunn Sverrisdóttir fer á eftirlaun eftir langan og farsælan feril við Landsbókasafn Íslands.
„Örn er með B.A. og M.A. próf í sagnfræði og M.P.A. gráðu í opinberri stjórnsýslu frá Háskóla Íslands. Frá árinu 1993 hefur Örn starfað hjá Landsbókasafni Íslands – Háskólabókasafni. Í fyrstu sem bókavörður í þjóðdeild en síðar sem fagstjóri og forstöðumaður handritadeildar. Frá árinu 2011 hefur Örn gegnt starfi sviðsstjóra við varðveisludeild Landsbókasafns Íslands – Háskólabókasafns. Örn er mikill áhugamaður um handritalestur og útgáfu og hefur bæði skrifað fjölda greina þess efnis og erindi.“
Alls bárust 15 umsóknir um starfið sem auglýst var 11. október sl.
Esbern Erling Hjelm Kjærbo, yfirbókavörður
Ghita Oughla, gestgjafi
Giulia Gallon, safnaleiðsögumaður
Hrafn Sveinbjarnarson, forstöðumaður
Joanna Monika Wolanin, gæðaeftirlitsmaður
Jódís Skúladóttir, verkefnastjóri og fyrrum þingmaður
Kristján Óli Níels Sigmundsson, aðstoðarlagerstjóri
Lísa Zachrison Valdimarsdóttir, forstöðumaður
Mohammad Iqbal Ependi, starfsnemi
Pontus Erik Gunnar Jarvstad, háskólakennari
Rósa Bjarnadóttir, forstöðumaður
Serkan Mermer, öryggisvörður
Sigurður Ingólfsson, leiðsögumaður
Örn Hrafnkelsson, sviðsstjóri