Leikarinn Pete Davidson lenti í vandræðumum á dögunum þegar myndband af honum festa kaup á hvolpi fór í dreyfingu um netið. Pete var dæmdur fyrir að kaupa hvolpinn, sem er blanda af púðluhundi og Cavalier, úr dýrabúð í stað þess að taka að sér heimilislausan hund.
Dýraverndunarsamtökin PETA gáfu út yfirlýsingu þar sem lýst var andúð á ákvörðun Pete en hann ákvað þá að hafa samband við einn forstjóra samtakanna og skyldi eftir talskilaboð. „Hundur mömmu minnar sem var bara tveggja ára dó fyrir viku. Við erum öll að syrgja. Ég keypti hundinn fyrir hana en ég er með alvarlegt hundaofnæmi og þurfti því sérstaka tegund af hundi. Kannið aðstæður áður en þið búið til fréttaefni,“ sagði Pete og lauk skilaboðunum með blótsyrðum. „fuck you and suck my dick“
Hljóðupptaka af skilaboðunum var birt á vef miðilsins TMZ og hefur Pete síðan beðist afsökunar á orðum sínum. Hann segist þó ekki sjá eftir því að hafa staðið með sjálfum sér og fjölskyldu sinni.