Stefán Pálsson saknar frétta af eldgosinu á Reykjarnesi.
Spéfuglinn og sagnfræðingurinn Stefán Pálsson skrifaði spaugilega Facebook-færslu í morgun þar sem hann furðar sig á að daglegar fréttir af eldgosinu á Reykjarnesinu séu á undanhaldi. Segir hann að fyrstu tvo dagana hafi verið „endalausar fréttir um að hrauntungurnar væru að fara að skera sundur tvo þjóðvegi frekar en einn, auk þess að slettast upp á varnargarðinn“ en í dag fái maður engar fréttir af hvert hraunið rennur. Segir hann að ef hann væri eldgosið fengi hann „talsverða höfnunartilfinningu“.
Hina spaugilegu færslu má lesa í heild hér:
„Hvað er með þetta eldgos? Fyrstu tvo dagana voru endalausar fréttir um að hrauntungurnar væru að fara að skera sundur tvo þjóðvegi frekar en einn, auk þess að slettast upp á varnargarðinn. Í dag fær maður engar skýringarmyndir af því hvert þetta sé að renna, Björn Steinbekk virðist ekki nenna með drónann sinn á vettvang og sýnileikavesti Kristjáns Más Unnarssonar hangir upp í skáp. Ef ég væri þetta eldgos fengi ég talsverða höfnunartilfinningu.“