Poppdívan Britney Spears er aftur mætt á Instagram eftir að hafa lokað reikningi sínum á dögunum. Í nýrri færslu birti hún samhengislausan texta og birti myndskeið þar sem hún söng. Aðdáendur hennar hafa um nokkurt skeið lýst yfir áhyggjum af geðheilsu hennar og halda jafnvel að eiginmaður hennar sé að stjórna henni.
Þeir sem fylgjast með Britney Spears á Instagram vita að hún er nokkuð óútreiknanleg þegar kemur að færslum. Þar má sjá hana kviknakta oftar en ekki eða dansandi hring eftir hring eftir hring nú eða samhengislausa texta eða jafnvel hvatningarorð. Í nýrri færslu sýnir hún myndskeið þar sem myndavélinni er beitt að vegg og hún heyrist syngja ýmsar setningar úr frægum lögum hennar en söngurinn minnir helst á Christinu Aguilera, sem var hennar aðal keppinautur þegar frægðarsól Spears stóð sem hæst fyrir 20 árum síðan.
Við myndskeiðið birtir hún samhengilslausan texta sem lesa má hér í íslenskri þýðingu:
„Hafið þið heyrt það !!! Ég er stjarna ⭐️ núna mamma !!! LOL 😂 bara að grínast !!! Mest af þessu hljómar nokkuð flatt … en mér líkaði að GERA ÞAÐ AFTUR (e. DOING IT AGAIN) Bíðið, ÚPS (E. OOOPS) 🙊 !!! Þetta var svo hallærislegt 😒 Ég veit !!! Allt er gott í hverfinu … eins og flest gáfnaljós segja !!! Þú hlýtur að vera að grínast í mér !!! NEIBB !!! Ég er ekki að því !!! Æ kyssið á mér helvítis rassinn !!! OG verið áfram flott fallega fólk 💋💋💋 !!! “
View this post on Instagram