Söngkonan Shakira er allt annað en sátt með Barbie-kvikmyndina sem kom út í fyrra.
Í nýlegu viðtali greindi söngkonan fræga frá því að hún sé ekki hrifin af þeim skilaboðum sem hún telur myndina senda frá sér. „Synir mínir algjörlega hötuðu myndina, þeim fannst hún gera lítið úr karlmönnum og ég er sammála því, að vissu leyti,“ lét Shakira hafa eftir sér um verðlaunamyndina.
„Ég er að ala upp tvo drengi og ég vil að þeim líði kröftugum en virði konur á sama tíma. Ég fíla þegar menning reynir að færa konur á hærri stall án þess að ræna karlmenn sömu tækifærum. Ég trúi á að gefa konum öll tól og traust sem við getum án þess að taka kjarna okkar í burtu, án þess að missa kvenleikann. Ég tel að karlmenn þjóni tilgangi í samfélaginu og konur þjóna öðrum tilgangi í samfélaginu.“
„Við pössum vel saman og við megum ekki gleyma því,“ sagði söngkonan að lokum en Barbie-myndin í leikstjórn Greta Gerwig var tilnefnd til átta Óskarsverðlauna og þénaði tæpan 1,5 milljarð dala.