Eitt það fyrsta sem Guðmundur Felix Grétarsson, oft kallaður Handhafinn, gerði við komuna til Íslands var að skella sér í klippingu. Að því loknu var honum boðið til kvöldverðar á Bessastaði og af því tilefni birti hann þessa mynd:
Guðmundur Felix Grétarsson er gangandi kraftaverk og af honum berast reglulega stórkostlegar fréttir. Eins og flestir líklegast vita voru græddir á Guðmund nýir handleggir þann 14. janúar síðastliðinn, eftir að hann missti þá báða í hræðilegu slysi árið 1998, þá 26 ára gamall.
Guðmundur Felix kom til Íslands í gær en þá hafði hann ekki komið til landsins í langan tíma. Nýju handleggir hans voru græddir á hann í janúar síðastliðnum og hefur Guðmundur verið í stífri endurhæfingu síðan. Við heimkomuna hafði hann þetta að segja:
„Ég hef það bara alveg stórfín en það er skrítið að vera kominn heim. Það er svolítil geðshræring núna að vera búinn að vera á spítala í ellefu mánuði samfellt og finnst ég allt í einu vera kominn út í lífið. Ég er að fara að hitta afastrákinn minn í fyrsta skipti núna. Hann fæddist bara fyrir mánuði síðan.“