Jess Smith, sem lék krúttlega sólarbarnið í Stubbunum (e. Teletubbies), eignaðist sitt fyrsta barn á dögunum, ásamt kærastanum. Ricky Latham. Stúlkubarnið hlaut nafnið Poppy Rae Latham.
Það var í byrjun janúar sem Jess tilkynnti að Poppy væri fædd en slúðurmiðillinn eonline.com sagði frá þessu í dag.
Síðan Poppy fæddist hafa hinir nýbökuðu foreldrar verið duglegir að skrá fyrstu vikurnar með ljósmyndum á samfélagsmiðlunum. Þann 20. janúar birti Jess ljósmynd af Ricky þar sem hann hélt á Poppy á leið af sjúkrahúsinu og skrifaði hún við myndina: „12 daga í okkar lífi, 7 daga heima, 2 mjög heppnir foreldrar.“
Þá hefur Jess einnig sýnt frá svokölluðum „malla stund“ þar sem Poppy sést liggja á maganum og fleira krúttlegt.
Jess, sem nú er langt komin á þrítugsaldurinn, sagði fyrst frá óléttunni í október, sem gladdi marga aðdáendur Stubbanna, já og skelfdi þá, því þeir áttuðu sig þarna á því hversu langt er liðið síðan þættirnir voru gerðir.
„Sólarbarnið úr Stubbunum að eignast sitt eigið sólarbarn,“ skrifaði einn aðdáandi undir tilkynningu hennar og annar skrifaði: „Sólarbarnið að eignast barn … fjárinn, ég er hundgamall … til hamingju gæskan.“