Sólstöður gefur út sína aðra plötu.
Sólstöður er fjölþjóðlegt tríó sem skartar sumum af efnilegustu jazztónlistarmönnum hver frá sínu heimalandi. Bandið skipa Mikael Máni á gítar, hollenski píanóleikarinn Stefan Bos og svisslenski kontrabassaleikarinn Pierre Balda.
Í Nóvember 2024 mun 2. plata hljómsveitarinnar Sólstöður koma út. Þríeykið hefur spilað saman í nánast tíu ár í Hollandi, Sviss og verður þetta í þriðja skipti sem bandið spilar á Íslandi. Fyrsta platan þeirra kom út árið 2020 og var gefin út af Smekkleysu. Hún vakti mikla ánægju meðal tónlistarunnenda og gagnrýnanda og hlaut hljómsveitin tilnefningu fyrir bestu tónsmíðar ársins á Íslensku Tónlistarverðlaununum.
Bandið mun halda tónleika um landið til að fanga nýju plötunni. Upphafstónleikar túrsins verða 1. nóvember þar sem þeir munu spila í Menningarhúsinu Bergi á Dalvík. Síðan halda þeir til Ísafjarðar þar sem þeir leika í Edinborgarhúsinu 2. nóvebmer. Þriðju tónleikarnir verða í Mengi í Reykjavík 3. nóvember. Einnig munu þeir halda tónleika þar sem þeir leika þekkt jazzlög á Forréttabarnum 4. nóvember.
Platan inniheldur lög eftir alla meðlimi bandsins, sérstaklega samin með þessa einstöku hljóðfæraskipan í huga; trommulaust tríó með tveim hljóma hljóðfærum. Þetta er suðupottur marga stíla sem væri hægt að skilgreina sem kammer-jazz. Leiðarljós bandsins er að reyna að fanga stemmingu hvers lags. Mörg lög eru lýrísk og rómantísk á köflum og stundum má heyra einhver áhrif neóklassískrar tónlistar glitta fram. Hins vegar eru önnur lög sorgleg, dramatísk og nánast hættuleg.
Mikael Máni er einn helsti gítarleikari landsins og var plata hans Innermost fyrr á árinu valin plata ársins á íslensku tónlistarverðlaununum. Á árinu kom einnig út fyrsta sólógítarplata hans hjá þýska útgáfufyrirtækinu ACT sem er ein af leiðandi útgáfum í jazztónlist.
Hér má sjá myndband við eitt laga bandsins: