Sigurbjartur Sturla Atlason er afmælisbarn dagsins en hver er það gæti einhver spurt sig. Nú auðvitað er það Sturla Atlas, rappari og leikari en hann á stórafmæli í dag en þrjátíu sinnum hefur jörðin snúist í kringum sólina á hans lífstíð.
Sturla var kosinn bjartasta vonin á Íslensku tónlistarverðlaununum 2016 en hann er með þekktari röppurum landsins og hefur gefið út tónlist sjálfur og í félagi við aðra tónlistarmenn. Þá er hann einnig leikari og hefur komið víða við í þeim bransa. Hefur hann leikið í kvikmyndum, sjónvarpsþáttum og á leik- og óperusviði.
Mannlíf heyrði í Sturlu og spurði hann hvað hvort hann ætlaði að fagna deginum og þá hvernig:
„Ég ætla að njóta dagsins með mínum nánustu og borða góðan mat,“ svaraði afmælisbarnið.
Þegar Sturla var spurður um það hvað væri framundan hjá honum var hann nokkuð dularfullur í svörum og vildi ekki gefa frekari svör. Aðdáendur verða því að bíða spenntir eftir frekari fregnum um næstu verkefni kappans:
„Ég er að leika í Þjóðleikhúsinu um þessar mundir og með ýmsa aðra hluti í pípunum.“
Mannlíf óskar Sturlu innilega til hamingju með stórafmælið!