- Auglýsing -
Aðdáendur ofurhetjumynda bíða spenntir eftir næstu mynd um ofurmennið Clark Kent, betur þekktur sem Superman, en ný mynd um kappann er væntanleg 11. júlí á næsta ári og hefur fyrsta stikla myndarinnar verið birt. Leikstjóri og handritshöfundur myndarinnar er James Gunn en hann er þekktastur fyrir að hafa leikstýrt Guardians of the Galaxy-myndunum fyrir Marvel.
Nýr leikari hefur verið ráðinn til að leika Superman en David Corenswet tekur við af Henry Cavill. Corenswet er nokkuð óþekktur leikari en James Gunn hefur mikla trú á leikaranum. Í myndinni leika einnig Nathan Fillion, Anthony Carrigan, Rachel Brosnahan, og Nicholas Hoult ásamt fleirum.