Pamela Anderson talaði um förðun í nýlegum podcast þætti Dax Shepard’s Armchair Expert. Þar sagðist hún ekki nota förðun eins mikið og hún gerði en þegar hún málar sig segir hún mikilvægasta skrefið vera góðan hyljara. Pamela sagði sína uppáhalds vöru vera Ilia Skin Serum hyljarann en er hann með C-vítamíni.
Formúlan er hönnuð til þess að hægt sé að nota hana eina og sér en einnig með öðrum húðvörum. „Fyrsti hluturinn er hyljari, Ilia. Þessi er góður,“ sagði Pamela en aðrar stjörnur á borð við Kate Hudson og Miranda Kerr, hafa einnig sagst nota farðann. Hyljarinn hefur fengið ótal góðar umsagnir, meðal annars frá sérfræðingum Sephora: „Ég er tæplega fertug með þurra, viðkvæma húð. Þessi hyljari gefur raka og lítur náttúrulega út undir augunum.“