Æsingurinn í kringum eldgosið við Sundhnúk var mikill í fjölmiðlum í gærkvöldi en „Sigurður“ nokkur nýtti sér það er hann hringdi í beina útsendingu á Bylgjunni.
Grunlaus þáttastjórnandi á Bylgjunni svaraði síma í beinni útsendingu í gærkvöldi en á línunni var einhver sem sagðist heita Sigurður. „Það er kominn hlustandi á línuna, Bylgjan góða kvöldið,“ segir þáttastjórnandinn í byrjun klippunnar sem birt var á X-inu um miðnætti í gær. Æst rödd svaraði hinum megin á línunni „Halló, er þetta Bylgjan?!“. „Já, þetta er Bylgjan, hvað heitir þú með leyfi?“. Svaraði hlustandinn æsti: „Heyrðu, ég heiti Sigurður og ég er staddur í þyrlunni hér fyrir ofan gosið. Er ég í beinni?“ Þáttastjórnandi játti því en efaðist um sannleiksgildi orða hringjandans: „Ertu viss handviss um að þú sért í þyrlu?“ „Sigurður“ svaraði að bragði: „Halló, ég heiti Sigurður og er í þyrlunni. Og þetta gos er alveg eins og píka! Þetta er alveg eins og pík …“. Á þessu augnabliki skellti þáttastjórandinn á húmoristann. „Já, þetta var skemmtilega hress hlustandi.“
Símaatið má hlusta á hér fyrir neðan:
Kæri sigurður sem hringdi í bylgjuna útaf gosinu,
þú ert snillingur. pic.twitter.com/4Y1cieqzGZ
— Killi (@killigulli) December 19, 2023