TikTokararnir Theodór, Jakob og Mikhael hafa fest sig í sessi á miðlinum með þættinum Fj4rkinn en þúsundir fylgjenda þeirra fylgjast með þeim hvort sem þeir eru að baða sig upp úr tómatsósu, athuga hvort það borgi sig að kaupa Happaþrennur fyrir 60 þúsund eða ganga á fólk í Kringlunni þar sem þeir spyrja fólk spurninga og gefa þeim ýmsan varning.
Þeir eru búnir að vera að taka upp þættina í eitt og hálft ár og í fyrstu voru helstu efnistök þeirra svokölluð trickshot þar sem þeir mynduðu þegar þeim tóksts t.d. að sparka fótbolta yfir fótboltavöll í slána eða kasta körfubolta í hringinn úr órafjarlægð.
Aðspurðir segja þeir að TikTok sé ekki bara fyrir ungt fólk því gamalt fólk gæti svo sannarlega haft gaman að efni sem þar er að finna. Þeirra helsti markhópur á aldrinum 13-17 ára, en fólk á öllum aldri fylgist með þeim og þegar þeir eru spurðir hvenær fólk er orðið gamalt stendur ekki á svörunum:
,,57 plús.“
Í lokinn tóku þeir að sjálfsögðu áskorun um að standa á höndum um við vegg og klæða sig úr bolnum. Hvernig það fór má sjá í myndbandinu.