Vala buguð eftir flug til Toronto: „Það voru börn grátandi fyrir framan mig og fyrir aftan mig“ 

Áhrifavaldurinn Vala Grand er stödd í Toronto en lenti hún í því óhappi á Keflavíkurflugvelli að minnstu mátti muna að hún missti af fluginu sínu til Kanada.
„Ég er alltaf næstum því búin að missa af fluginu mínu, alltaf sama sagan hjá mér. Þetta gerðist á Tenerife líka,“ sagði Vala en stuttu áður birti hún fallega mynd af sér við leiði föður síns sem lést nýverið. Við myndina skrifaði hún texta þar sem hún sagðist hafa lofað föður sínum, áður en hann lést, að hún myndi halda áfram að ferðast um heiminn, kynnast nýju fólki og upplifa ný ævintýri. Því næst birti Vala myndband af sér á flugvellinum í Toronto.
„Voðalega eru kanar geðveikt strangir,“ segir Vala sem segist hafa þurft að svara ótal spurningum við komuna. Frændi Völu sótti hana á flugvöllinn og tjáði hún honum að flugið hefði ekki verið upp á marga fiska. „Hræðilegt flug því það voru börn grátandi fyrir framan mig og börn grátandi fyrir aftan mig.“ Það verður spennandi að fylgjast með ævintýrum Völu í Toronto næstu daga.