Agnes Sigurðardóttir, fráfarandi biskup Íslands, er einhver umdeildasti biskup Íslands að Ólafi Skúlasyni frátöldum. Agnes er síður sen svo sátt þegar hún hverfur úr embætti.
Í tárvotu fjögurra vasaklúta viðtali við Heimildina lýsir hún starfslokum sínum og seinasta tímabilinu á biskupsstóli þar sem hún segist hafa sætt ákveðnum ofsóknum af þeirri ástæðu að hún er kona. Henni er mikið niðri fyrir þegar hún rifjar upp harkalega umræðu um að hún hafi setið umboðslaus í embætti með leyfi undirmanns síns eftir að kjörtímabil hennar var framlengt án kosningar. „Ég var bara niðurlægð, af þinginu. Bæði ég sjálf og embættið,“ segir hún um kirkjuþing og einstaka presta sem hafi beitt sér gegn henni með ósvífnum hætti.
Séra Skírnir Garðarsson hefur mátt þola af biskupi að vera úthýst úr embætti sín á vafasömum forsendum. Hann er ekki í vafa um það hver sé eftirskrift biskupsins.
„Fráfarandi biskup hefur valdið mörgum manneskjum vanlíðan, kostnaði og allskyns óáran með hentistefnuákvörðunum, klíkuráðningum, brottrekstri starfsfólks og ýmsu furðulegu sem hún hefur komist upp með,“ skrifar Skírnir í aðsendri grein í Mannlífi …