Mörgum brá í brún þegar tveir menn, annar vopnaður hnífi, réðust á Stefán S. Stefánsson, tónlistarmann og eiginkonu hans, Önnu Steinunni Ólafsdóttur, þar sem þau voru á göngu í Fossvogsdal um liðna helgi. Þetta þykir vera dæmi um vaxandi grimmd og hörku ofbeldismanna. Stefán var óhræddur við að lýsa þeim skepnuskap sem átti sér stað í náttúruparadísinni og lýsti atburðinum í smáatriðum.
Hann er annálað prúðmenn og einn af ástsælustu lagahöfundum landsins. Hann hefur gefið þjóð sinni perlur á borð við Fallinn, Disco Frisco og Midnight Sun.
Stefán setti inn færslu daginn eftir árásina og hvatti til þess að árásarmönnunum verði sýnd mildi. „Þó svo vopnaburður ungs fólks hafi aukist þá er þetta frávik. Þessir ungu menn þurfa hjálp, ekki gapastokk,“ segir í færslu hans. Svo sannarlega þroskað viðhorf …