Erfið staða er uppi innan stjórnar Festar, sem rekur N1, Krónuna og Elkó, eftir að Eggert Þór Kristófersson forstjóri heldur á braut, fullsaddur Eggert hefur tekið eindregna afstöðu með fórnarlömbum kynferðislegs ofbeldis. Vitalía Lazerova vakti þjóðarathygli þegar hún lýsti atburðum í heitum potti við sumarhús Þórðar Más Jóhannessonar sem sagði af sér stjórnarformennsku í kjölfar ásakananna. Hún hefur sagt í viðtali við Mannlíf að Eggert hafi hlustað á hana og sýnt henni samúð og skilning í uppgjörinu við Þórð Má og félaga. Fjórir naktir karlar deildu þar potti með ungu konunni og misbuðu henni, sumir hverjir. Þórður sagði af sér sem stjórnarformaður í framhaldi uppljóstananna. Hann heldur þó tökum á félaginu sem stór eigandi og í samstarfi við stærstu lífeyrissjóði landsins sem eiga yfir 50 prósent í félaginu.
Erfitt verður að finna arftaka Eggerts Þórs sem hefur skilað félaginu myljandi hagnaði undanfarin ár. Rætt er um að helst verði að fá öfluga konu til að stjórna félaginu og afstýra þannig frekara tjóni en orðið er. Vandinn er sá að margir hika við að fara inn í þann kúltúr sem virðist vera í æðstu stjórn félagsins …