Athafmaðurinn Ari Edwald er á góðri leið með að tryggja sér eignarhald á vefnum Vísi og útvarpsstöðvum fjölmiðlarisans Sýnar. Ari missti vinnuna hjá Mjólkursamsölunni eftir að pottamál Vítalíu Lazereva kom upp. Eftir kærumál á báða bóga hefur málið verið fellt niður og ásakanir á hendur honum og félögum hans hafa ekki reynst haldbærar.
Sýn er að ganga í gegnum mikilar breytingar þar sem ákveðið hefur verið að selja innviði félagsuins og létta af því skuldum. Ari fer fyrir hópi fjárfesta sem hefur þegar tryggt sér að hluta fjármagn til að kaupa útvarpsstöðvarnar og vefinn, sem er sá mest lesni á landinu.
Ari hefur forskot á marga vegna reynslu sinnar en hann stýrði um tíma fjölmiðlarisanum 365, forvera Sýnar. Ekki er þó sopið kálið því fleiri vilja kaupa og eru nefndir til sögunnar tveir aðrir hópar fjárfesta sem vilja hnossið.
Athyglisvert er að Stöð 2 er ekki inni i þessum pakka. Sjónvarpsstöðin er talinn vera baggi á Sýn og er til sölu ein og sér. Óljóst er með áhuga á kaupunum en Árvakur, útgefandi Morgunblaðsins, er nefndur til sögunnar. Félagið hefur greiðan aðgang að fjármagni Guðbjargar Matthíasdóttur, auðkonu frá Vestmannaeyjum.
Talið er að mikilla breytinga sé að vænta á rekstri Stöðvar 2, hvernig sem fer með sölu, og útlit fyrir að fréttastofu Stöðvar 2 verði lokað og fyrirbærið verði streymisveita. Ljóst er að stórtíðnda er að vænta af fjölmiðlamarkaði á næstu vikum …