Innan Sjálfstæðisflokksins á Reykjanesi er því fagnað að Arnar Þór Jónsson, fyrrverandi héraðsdómari og varaþingmaður Sjálfstæðisflokksins í kjördæminu hefur með lúðraþyt boðað framboð sitt til embættis forseta Íslands. Fögnuður flokksssystkina Arnars Þórs snýst þó ekki um stuðning við hann í hið háa embætti heldur þvert á móti. Varaþingmaðurinn þykir ekki hafa heppilegar skoðanir og gjarnan fara þvert á flokkslínur í málflutningi sínum.
Þegar sú ógn vofði yfir flokknum að Jón Gunnarsson, þáverandi dómsmálaráðherra, myndi segja af sér þingmennsku og fara í fússi var kvíðaefnið það helst að Arnar Þór yrði þingmaður með tilheyrandi bramli og brauki. Þetta er nú allt saman leyst með því að dómarinn fyrrverandi sagði af sér varaþingmennsku og hvarf úr flokknum.
Með framboði Arnars Þórs er trúðalestin, eins og einhver kallaði frambjóðendur til embættisins, lögð af stað. Sjálfur Ástþór Magnússon ætlar einnig að bjóða sig fram í fimmta sinn. Þá er þess beðið, án ofvænis, hvort Guðmundur Franklín Jónsson, fyrrverandi hótelhaldari og verðbréfasali, blandi sér aftur í slaginn. Hann var eini áskorandi Guðna forseta í seinustu kosningum.
Þessi þrenna frambjóðenda er ávísun á ýmis skrípalæti í aðdraganda forsetakjörsins …