- Auglýsing -
Styrkir Fjölmiðlanefndar til fjölmiðla voru opinberaðir á föstudag. Þar kemur fram að Morgunblaðið fær hvorki meira né minna en 107 milljónir króna sem dugir og vel það til til að greiða ofurlaun ritstjóranna, Davíðs Oddssonar og Haraldar Johannessen. Útgáfufyrirtækið Sýn fær aðra eins upphæð.
Athyglisvert er að á meðal nýrra styrkþega er sú orðhvata Arnþrúður Karlsdóttir sem rekur Útvarp Sögu. Arnþrúður hefur haldið því mjög á lofti að Saga sé einn fárra fjölmiðla sem ekki fá ríkisstyrki og kvartað sáran. Auglýsingar þessa efnis hafa reglulega verið í birtingu hjá Sögu. Nú er vígið fallið því hún fékk heilar fjórar milljónir króna af almannafé til að reka stöðina og kveinstafirnir þagna væntanlega …