Áslaug Arna er óvinurinn

Nokkur örtröð lukkuriddara og þungavigtarfólks er að myndast í prófkjöri Sjálfstæðismanna í Reykjavík. Flestir veðja á það að Áslaug Arna Sigurbjörnsdóttir dómsmálaráðherra sigri og verði óskoraður leiðtogi í Reykjavík. Guðlaugur Þór Þórðarson utanríkisráðherra er þó ekki á því að gefa henni eftir áhrifasætið baráttulaust. Reiknað er með að stuðningsmenn Guðlaugs leggi áherslu á að sniðganga Áslaugu í prófkjörinu og freista þess að senda hana niður listann. Hún er hinn skilgreindi óvinur. Guðlaugur er einmitt þekktur fyrir ákveðin klókindi og undirmál í sinni pólitísku baráttu.  Brynjar Níelsson alþingismaður biður um endurkjör, þrátt fyrir að gera gagnrýndur fyrir lítil sen engin afköst á þingi. Hann sækir í sviðsljósið eins og fluga í ljós og nýtur góðs af því að vera skemmtilegur og fundvís á hnyttnar athugasemdir. Ekki er þó víst að kjósendur veðji á þann hæfileika og það gæti orðið snúið fyrir hann að ná boðlegu endurkjöri. Stærsta spurningamerkið er það hvað verður um Sigríði Andersen, fyrrverandi dómsmálaráðherra, sem hrökklaðist af ráðherrastóli vegna klúðursins með skipun í Landsdóm. Sigríður hefur ekkert gefið upp um áform sín eða framboð. Átökin í Reykjavík gætu orðið til þess að lægstu samnefnarar nái hátt á lista …