Vangaveltur um arftaka Bjarna Benediktssonar sem formanns Sjálfstæðisflokksins halda áfram. Víst er að Áslaug Arna Sigurbjörnsdóttir, ráðherra vísinda, er sjóðandi heit og hefur fullan hug á embættinu. Bjóði hún sig fram gæti það stórskaðað Þórdísi Kolbrúnu Reykfjörð Gylfadóttur varaformann og óskakandidat Bjarna. Slagur á milli kvennanna tveggja myndi efla Guðlaug Þór Þórðarson, utanríkisráðherra og áskoranda Bjarna, sem auðveldlega gæti hrifsað til sín formannsstólinn. Þórdís Kolbrún var lengst af lítt umdeild en stríðsyfirlýsing hennar gegn Rússum með lokun sendiráðsins í Moskvu er umdeild og þykir dæmi um pólitíska skammsýni. Áslaug Arna er umdeild fyrir aðra hluti.
Bjarni má ekki til þess hugsa að Guðlaugur Þór, sem fékk 40 prósent atkvæða í formannskjöri, verði arftaki hans. Ef hann metur stöðuna sem svo að þannig geti farið er allt eins víst að hann vilji halda áfram sem formaður og eyðimerkurganga flokksins haldi áfram …