Ásmundur Friðriksson, alþingismaður Sjálfstæðisflokks, var harðorður eftir sýningu á fyrsta þættinum úr sjónvarpsseríunni Verbúðin sem hlotið hefur lof langflestra.
Taldi hann að Ríkisútvarpið væri með sýningu þáttanna að afhjúpa fordóma sína gagnvart landsbyggðinni með umfjöllun um nekt og taumlaust fyllerí.
Meðal annars kom fyrir nektardansmær sem baðaði sig í bala.
Margir hafa orðið til þess að svara honum fullum hálsi.
Einn sagði í athugasemd að hann væri greinilega „úti að aka“ og vísaði til himinhárra aksturreikninga hans.
Helgi Seljan fjölmiðlamaður rifjaði upp að Ásmundur sjálfur þáði nektardans í afmælisgjöf á sínum tíma og baðaði sig í þeim ljóma.
Maðurinn sem „fékk Leoncie í fertugsafmælisgjöf” frá vinum sínum, og skrifar bækur með sönnum fylleríssögum af landsbyggðinni er móðgaður yfir því hvernig landsbyggðinni er lýst í Verbúðinni“ …