Baráttan um embætti forseta Íslands er óðum að taka á sig mynd. Hartnær 20 manns telja sig vera vel til þess fallna að sitja á Bessastöðum. Á meðal þeirra sigurstranglesustu þar er Baldur Þórhallsson prófessor sem leynt og ljóst hefur kannað jarðveginn fyrir sig og ekki síður maka sinn, Felix Bergsson útvarpsmann. Báðir þykja frambærilegir. Nú virðist þó sem bakslag sé komið í baráttu Baldurs sem er tvístígandi með að taka stökkið.
Halla Tómasdóttir keppti á sínum tíma við Guðna Th. Jóhannesson um umbættið en tapaði. Hún þurfti að þola óvægna umræðu um útrásarblæti sitt en náði samt að rísa upp yfir frambjóðendur á borð við Davíð Oddsson, ritstjóra Moggans, sem fékk slæma útreið sem markar hann ævilangt. Nú hefur Halla boðað til blaðamannafundar þar sem fram á að fara samtal um forsetaembættið. Víst þykir að hún muni bjóða sig fram.
Vandi frambjóðendanna er sá að öll þeirra mál verða uppi á borðum og gömul hneyksli sem ný vakna úr dvala og fá vængi. Halla er þegar komin í gegnum þá síu en hinir 20 ekki …