Nokkur hamagangur er á stuðningssíðu Baldurs Þórhallssonar og Felix Bergssonar þar sem spurningum til þeirra er gjarnan eytt og óæskilegir spyrjendur útilokaðir frá síðunni. Stjórnendur síðunnar hafa upplýst að síðan sé bergmálshellir aðdáenda parsins sem vill komast til Bessastaða. Samkvæmt því er engum öðrum en stuðningsmönnum heimilt að vera fullgildir og með málfrelsi á síðunni og vonda fólkinu úthýst
Páll Vilhjálmsson framhaldsskólakennari vísar til þess að Sigurður Ásgeirsson sé einn þeirra sem vann sér það til óhelgi að spyrja framboðsparið áleitinnar spurningar. Sigurður sagðist gjarnan eiga leið hjá heimili þeirra félaga og vildi vita hvers vegna Baldur og Felix flögguðu ýmist fána Evrópusambandsins, Úkraínu og Palestínu en ekki íslenska fánanum. Spurningu hans var eytt og hann blokkaður frá síðunni, samkvæmt Páli. Sú aldraða Kristjana Vagnsdóttir á Þingeyri lenti einnig úti í kuldanum.
Baldur og Felix þurfa væntanlega engu að kvíða því 22 þúsund aðdáendur þeirra og væntanlegur kjósendur halda til í bergmálshellinum og kasta þar á milli sín lofsyrðum um hina góðu drengi …