Einn af hvassari blaðamönnum landisins er Benedikt Bóas Hinriksson á Fréttablaðinu. Benedikt lætur hiklaust vaða það sem flýgur um huga hverju sinni og kemur gjarnan við kaunin á þolendum. Í ritstjórnardálki blaðsins í dag gerir hann sjómenn að umtalsefni og kallar þá subbulega. Tilefni skrifanna er rannsókn sem snúr að rusli á hafsbotni. Benedikt kemst að þeirri niðurstöðu að „sjómenn hugsa lítið um hafið“ þar sem fram kemur í rannsókn inni að algengasta ruslið á hafsbotni sé veiðarfæratengt. „Sjómenn hafa lengi vælt yfir því að þurfa að greiða einhvers konar auðlindagjald til að nýta hafið en hugsa svo svona um hafið. Auðvitað ætti að hækka auðlindagjaldið upp úr öllu valdi og einu rökin sem þyrfti væru að sjómenn væru sóðar,“ skrifar Benedikt.
Einhver kann þó að staldra við þá yfirlýsingu að sjómenn væli undan auðlindagjaldi því það fellur á útgerðina en ekki launþegana. Umrætt væl kemur því frekar úr herbúðum útgerðarmanna þar sem Heiðrún Lind Marteinsdóttir framkvæmdastjóri veifar vasaklútum. Svo eru það aðrir sem telja að illa sé vegið að sjómönnum af blaðamanni sem lifað hefur lífi sínu fjarri stormum hafsins, vafinn í bómull …