Sú snilldarflétta Vinstri grænna að þiggja boð Bjarna Benediktssonar um að verða fótgönguliðar hans gengur upp. Svandís Svavarsdóttir er búin að axla ábyrgð af hvalamálinu með því að fara á milli ráðuneyta.
Bjarkey Olsen Gunnarsdóttir , nýr matvælaráðherra, fær svo það hlutverk að bakka út úr hvalamálinu og éta ofan í sig afglöp Svandísar og tryggja með því frið innan ríkisstjórnar. Fullyrt er að hluti af samkomulagi flokkanna þriggja verði sá að hvalveiðarnar verði látnar ganga fram í friði. Bjarkey er sögð styðja veiðarnar.
Vandinn er hins vegar sá að harðasti kjarninn í VG er ævareiður forystu sinni fyrr að henda öllum prinsippum sínum fyrir róða og upphefja Bjarna Benediktsson, óvinsælasta stjórnmálamann Íslands og að margra mati þann spilltasta, til æðstu metorða.
Einhverjir spá því að nýja ríkisstjórnin verði hreinlega banabiti Vinstri-grænna sem fyrir voru á mörkum þess að falla út af þingi …