Gríðarleg ólga er undir niðri vegna frammistöðu Bjarna Benediktssonar formanns og nánustu hirðar hans. Háværar raddir eru uppi innan flokksins um að skipta út forystu sem Jón Kristinn Snæhólm stjórnmálafræðingur kennir við elítu. Gamla slagorðið Stétt með stétt hljómar eins og brandari. Flokkurinn er á mörkum þess að falla niður fyrir 20 prósenta fylgi sem þýðir að Bjarni hefur á formannsferli sínum misst hátt í helming fylgisins.
Ekki hefur verið haldinn landsfundur í hartnær þrjú ár og forystan því með veikt umboð. Innan úr flokknum heyrist að stefnt sé að landsfundi í nóvember þar sem Bjarni verði dreginn til ábyrgðar. Þar má búast við harkalegu uppgjöri og tilraun til hallarbyltingar. Sterkasti andstæðingur Bjarna er Guðlaugur Þór Þórðarson umhverfisráðherra sem ræður hulduher eins og Albert Guðmundsson forðum. Ekki liggur fyrir hvort hann þori að taka slaginn eða hvort einher annar fari í formanninn ef hann ekki sér að sér og fer …