- Auglýsing -
Pólitísk framtíð Bjarna Benediktssonar fjármálaráðherra gæti orðið endaslepp ef Ríkisendurskoðun kemst að þeirri niðurstöðu að salan á bréfum í Íslandsbanka standist ekki lög eða siðferðileg viðmið. Gríðarleg reiði er vegna sölunnar þar sem Benedikt Sveinsson, faðir Bjarna, fékk ásamt fleirum afslátt og forskot á almenning og skjótfenginn gróða.
Nú er komið á daginn að málið vefst fyrir Ríkisendurskoðun og skýrslan verður ekki tilbúin á tilsettum tíma. Guðmundur Björgvin Helgason ríkisendurskoðandi staðfesti það við Fréttablaðið og segir töfina verða nokkrar vikur. Erfitt verður fyrir Bjarna að standa það af sér ef niðurstaðan verður sú að ekki hafi verið staðið rétt að málum. Alþingi mun koma saman þegar skýrslan verður tilbúin. Í nóvember verður síðan landsfundur Sjálfstæðisflokksins þar sem formaðurinn þarf að svara fyrir niðurlægjandi fylgishrun flokksins sem veldur mörgum flokksmanninum depurð …