Bjarni Benediktsson utanríkisráðherra fékk sviðið í gær þegar hann hreytti úr sér ónotum í garð hælisleitenda sem hafa tjaldað á Austurvelli í mótmælaskyni en með leyfi Reykjavíkurborgar. „Það er hörmung að sjá tjaldbúðir við Austurvöll sem nú hafa staðið þar síðan 27. desember síðstliðinn. Það er óboðlegt með öllu að Reykjavíkurborg hafi gefið leyfi fyrir tjaldbúðunum á þessum helga stað milli styttunnar af Jóni Sigurðssyni og Alþingis,“ skrifar Bjarni.
Þetta er túlkað af mörgum sem örvæntingarfullt innlegg sökkvandi flokks í komandi kosningabaráttu. Bjarni freisti þess nú að gera út á andúð gegn útlendingum og auka fylgi flokksins þannig. Á meðal þeirra sem gagnrýna Bjarna fyrir pistilinn er Sigmundur Davíð Gunnlaugsson, formaður Miðflokksins, sem telur Bjarna og flokk hans bera ábyrgð á ófremdarástandinu í landinu. Sigmundur telur að Bjarni sé nú að gjörbreyta um stefnu. Sigmundur er þekktur fyrir einarða afstððu gegn útlendingum og svíður greinilega að Bjarni ætli að stela glæpnum …