Jón Gunnarsson dómsmálaráðherra á ekki upp á pallborðið hjá þeim sem vilja hjálpa hælisleitendum sem mest og best. Jón er um það bil að senda tæplega 300 hælisleitendur úr landi og tryggja þannig ríkisstjórn Katrínar Jakobsdóttur vist í helvíti, ef marka má fræg orð séra Davíðs Þórs Jónssonar. Ákvörðun Jóns er gríðarlega umdeild innan ríkisstjórnar og augljóst að erfiðir tímar eru framundan. Sumnur ganga svo langt að fullyrða að samstarfið innan stjórnarinnar hafi aldrei verið verra.
Nú bætist við syndaregistur Jóns að upplýst hefur verið að hann hélt blóðmerar fyrir 40 árum rúmum. Fréttablaðið upplýsir það og fékk staðfestingu ráðherrans sem bjó um tíma í Miðfirði og „blóðmjólkaði“ þar merar. Jón tekur þó fram að hann fordæmi dýraníð og að hann þekki ekki til þeirra ómannúðlegu meðferða sem fram komu í alræmdu myndbandi AWH. Í hans tíð hafi verið farið vel með merarnar. Ekkert hefur komið fram sem sýnir fram á annað en það sé rétt. Óhætt er að segja að Blóðmera-Jón, eins og einn gáringi kallaði hann, hafi komið víða við á ferli sínum.
Umdeilt var þegar Bjarni Benediktsson ákvað að gera hann að dómsmálaráðherra tímabundið. Nú stefnir í að það ráðslag geti orðið dýrkeypt …