Sjálfstæðisflokkurinn er á sannkallaðri dauðasiglingu undir stjórn Bjarna Benediktssonar. Nýjustu mælingar sýna að flokkurinn nýtur aðeins 17 prósenta fylgis á meðan Kristrún Frostadóttir mælist með rétt innan við 30 prósent fylgi. Óljóst er hvernig Bjarni hugsar framhaldið á útgöngu sinni eftir að hann hrókeraði Þórdísi Kolbrúnu Reykfjörð Gylfadóttur í fjármálaráðuneytið.
Engum dylst að Bjarni er pólitískt lifandi dauður. Mælingar sýna enda að hann er að slá met í óvinsældum sem ráðherra. Þar hafa spillingarmál á borð við Íslandsbankamálið, Sörumálið og stórundarleg skipan Svanhildar Hólm Valsdóttur sem sendiherra í Washington DC klárlega grafið undan Bjarna og flokknum. Ástand Sjálfstæðisflokksins er bömmer fyrir Bjarna sem hefur beðið of lengi með að fara.
Þeim fjölgar stöðugt sem telja nauðsynlegt að forystu Sjálfstæðisflokksins verði allri skipt út og nýtt fólk kallað til þess að stjórna flokknum. Þar staldra einhverjir við nöfn Áslaugar Örnu Sigurgeirsdóttir og Guðlaugs Þórs Þórðarsonar. Þeim fækkar sem telja að Þórdís Kolbrún nái að reisa flokkinn úr öskustónni …