Sigríður Margrét Oddsdóttir, framkvæmdastjóri Samtaka atvinnulífsins, virtist ætla að afgreiða sína fyrstu samninga með stæl. Verkalýðshreyfing Vilhjálms Birgissonar, Sólveigar Önnu Jónsdóttur og Ragnars Þórs Ingólfssonar var sameinuð og skælbrosandi í Karphúsinu þar sem Ástráður Haraldsson ríkissáttasemjari gerði sig kláran í að baka vöfflur. En einmitt þegar allt virtist leika í lyndi sprakk allt í loft upp og kærleiksblómin breyttust á svipstundu í illgresi. Breiðfylkingin sleit viðræðum og gaf til kynna aðgerðir og átök.
Óljóst er hvað það var sem hleypti illu blóði í verkalýðsforingjana. Þó liggur fyrir að glannalegar yfirlýsingar ofurlaunakonunnar Sigríðar Margrétar um að hún treysti sér til að lifa af launum hins þjáða verkamanns fóru illa í fulltrúa hinna lægstlaunuðu. Nú virðist sem sigur Sigríðar sé tálsýn og framundan geti verið hörð átök. Margir eru þó á því að samningafús verkalýðshreyfing muni ganga til samninga …