Bubbi á erfitt með Brynjar

Bubbi Morthens, tónlistarmaður á heiðurslaunum, var í ítarlegu viðtali á Bylgjunni að morgni nýársdags þar sem farið var yfir feril hans og lífshlaup. Þar bar margt á góma en tónlistarmaðurinn lýsti harmi sínum með að fólk væri að velta sér upp úr því að hann hefði á sínum tíma gengið auðvaldinu á hönd með því að selja réttinn að lögum sínum. Einnig sárnar honum að vegið sé að honum  fyrir að þiggja heiðurslaun Alþingis. Bubbi var beygður þegar hann nefndi þessa aðför að sér. Nefndi hann ítrekað Brynjar Nílsen sem hefði fitjað upp á þessum veikleikum poppkonungsins í stað þess að vera málefnalegur. Var svo að skilja sem Bubbi hefði lokað á viðkomandi á samfélagsmiðlum. Líklega á Bubbi við orðhákinn Brynjar Níelsson alþingismann sem þekktur er fyrir að hafa óþol gagnvart þeim sem eru á jötu almennings …