Staða Samfylkingarinnar hefur stöðugt verið að styrkjast undir stjórn Kristrúnar Frostadóttur formanns. Raunverulegur möguleiki er á því að Samfylking verði stærsti flokkurinn eftir næstu kosningar. Á sama tíma er Sjálfstæðisflokkurinn að visna undir stjórn Bjarna Benediktssonar sem glímir við ýmis óþægileg mál og virkar áhugalaus. Þessi staða kemur fram í könnunum og hefur valdið Skrímsladeildinni í Hádegismóum mikluma ama. Mogginn hefur hamast á Kristrúnu vegna hlutabréfasölu hennar og skattlagningar á bréfunum. Fæstir lesenda botna í meintum glæp en áfram er haldið.
Innan Samfylkingar hafa menn áhyggjur af mannavali til framboðs. Kristrún mun augljóslega að leiða flokkinn í öðru Reykjavíkurkjördæmanna en sterkan kandídat vantar í hitt kjördæmið. Áhugi stendur til þess að fá Dag B. Eggertsson, fráfarandi borgarstjóra, til að taka slaginn. Fullyrt er að hann sé sjálfur tilbúinn nú þegar ferill hans er á enda. Hann vill meira. Víst er að hann nýtur mikils fylgis og er hafsjór af reynslu þótt deilt sé um fjármálastjórn hans.
Í Suðurkjördæmi er oddvitinn, Oddný Harðardóttir, á förum. Björgvin G. Sigurðsson, sem leiddi viðskiptarátuneytið í hruninu, mun hafa áhuga á því að snúa aftir úr útlegðinni og leiða flokkinn æi kjördæminu. Áhugi á endurkomu hans er fremur dræmur en hann er þekktur fyrir að vera fylginn sér og var á árum áður sigursæll …