Flest bendir til þess að Dagur B. Eggertsson, fyrrverandi borgarstjóri, muni hella sér af krafti í landsmálin með Kristrúnu Frostadóttur. Ýmis tilbrigði af kveðjuveislum benda til þess að hann sé í startholunum og safni sínu liði saman til að fara í stórsókn með Samfylkingu.
Samfylking fer með himinskautum í fylgi og fátt getur orðið til þess að breyta þeirri þróun. Tilkoma Dags mun örugglega styrkja flokkinn gríðarlega. Ljóst er að Moggamenn hafa miklar áhyggjur af þessu máli öllu saman. Blaðið hefur hundelt Dag árum saman og haldið uppi vafasömum ásökunum um slæma skuldastöðu Reykjavíkur.
Blaðið hefur nú lagt upp í mikinn leiðangur við að búa til hneyksli úr keðjuveislum Dags með útreikningum um kostnað. Í umfjöllun blaðsins kom fram að Kjartani Magnússyni og óbreyttum bæjarfulltrúum Sjálfstæðisflokksins var ekki boðið til veislunnar í Höfða. Andrés Magnússon, bróðir Kjartans, er undirsáti Davíðs Oddssonar ritstjóra á Mogganum og að sögn sérlegur áhugamaður um að berja á pólitískum andstæðingum Flokksins. Ekki er að sjá að Dagur, sem er annálaður fyrirt prúðmennsku, kippi sér upp við atganginn og nokkuð víst að hann styrkist við djöfulgang Davíðs og félaga fremur en hitt …