Deilur þriggja systra undir forystu Ásu Skúladóttur stjarneðlisfræðings við Ásmund Einar Daðason, ráðherra barnamála, hafa enn spunnið upp á sig. Hlaðvarpið Lömbin þagna ekki hefur vakið gríðarlega athygli. Þar er því haldið fram fullum fetum að faðir Daði Einarsson, faðir Ásmundar, hafi veðsett upp í rjáfur ættarjörð fjölskyldunnar, Lambeyrar, með þeim afleiðingum að jörðin fór á uppboð. Nú hafa Daði og fylking hans gripið til þess ráðs að gefa út bloggið hrutar.online þar sem þeir lýsa sinni hlið á deilumálunum við Skúla Einarsson, föður systranna. Þá hafa þeir stefnt deilumáli um Lambeyrar fyrir dóm þar sem þess er krafist að Dönustaðir fái skerf úr jörðinni umdeildu. Víst er að þar með heldur stríðið áfram næstu árin.
Fæstir botna upp né niður í málinu. Þó liggur fyrir að sá sem tapar langmestu á stríðinu er Ásmundur Einar sem fram að hasarnum var nánast í dýrlingatölu og með gríðarlega sterka stöðu innan Framsóknarflokksins og mögulega formannsefni. Sú staða er gjörbreytt í dag og ímynd hans er löskuð. Stríðið við systurnar er dýrkeypt …