- Auglýsing -
Eftir að þau stórtíðindi bárust á mánudag að Heiðar Már Guðjónsson, forstjóri Sýnar, hefði selt öll hlutabréf sín í fyrirtækinu og hygðist láta af störfum vegna heilsubrests eru hafnar vangaveltur um arftakann. Nýr hluthafahópur undir forystu Jóns Skaftasonar hefur krafist hluthafafundar í krafti 16 prósenta eignahlutar. Búist er við því að stjórn Sýnar boði til fundarins á næstu dögum og þar verði kosin ný stjórn. Fyrsta verk stjórnarinnar verður að ráða nýjan forstjóra. Fastlega er búist við því að Hjörleifi Pálssyni, núverandi stjórnarformanni Sýnar, verði ýtt til hliðar. Eggert Þór Kristófersson er einn þeirra sem orðaður er við forstjórastöðuna. Hann er einn af farsælustu forstjórum landsins frá fjármálahruni. Mannlíf greindi fyrst fjölmiðla frá því að honum hefði verið vikið úr starfi og vakti athygli á því að málið myndi draga dilk á eftir sér. Yngvi Halldórsson hefur einnig verið nefndur sem líklegur arftaki Heiðars. Hann var ráðinn til fyrirtækisins á árinu 2019 sem framkvæmdastjóri rekstrarsviðs, eftir að hafa sitið í stjórn Sýnar. Fyrr í mánuðinum komst hann í fréttir vegna kaupa á villu í Fossvoginum fyrir 360 milljónir króna. Jón Skaftason hefur einnig verið nefndur sem mögulegur arftaki. Hann er þó talinn reynslulítill þegar kemur að stjórnun fyrirtækja en hann gæti haft augastað á stjórnarformennsku í Sýn, enda fer hann fyrir nýja hluthafahópnum …