Miklar deilur um gervigreind hafa skapast í tónlistarhópi á Facebook sem Birgir Örn Steinarsson, einnig þekktur sem Biggi í Maus, heldur úti. Tilgangur hópsins er að vekja athygli í nýrri íslenskri tónlist og er fólk hvatt til þess að setja ný lög eftir sig inn í hópinn. Stjórnendur síðurnar hafa svo tekið lögin og sett saman lagalista sem hægt er nálgast á Spotify og eru margir tónlistarunnendur þakklátir fyrir það.
En borið hefur á því að einstaklingar hafi sett inn lög þar sem greinilegt er að gervigreind hafi komið þar að með einhverju, eða jafn vel öllu, leyti. Við þetta eru ekki allir sáttir og má nefna leikarann Villa Neto, handritshöfundinn Tómas Gauta Jóhannsson, tónlistarkonuna Heiðu Eiríksdóttur og píanómeistarann Jón Ólafsson. Það var hins vegar fjölmiðlamaðurinn Egill Helgason sem vakti mesta athygli en hann sagði frá því að hann hefði ekki áhuga á fylgjast með síðu þar sem tónlistin er búin til af vélmennum.
Eftir langt svar Bigga í Maus þar sem hann greinir skýrt frá því að slík tónlist sé leyfð svaraði Egill einfaldlega „Ok bless“ …