Dagur B. Eggertsson borgarstjóri á ekki sjö dagana sæla vegna skuldasúpu Reykjavíkurborgar. Sjálfgstæðisflokkurinn er óþreytandi að benda á það sem farið hefur forgörðum í rekstrinum. Kjartan Magnússon borgarfulltrúi hefur verið áberandi í þeim efnum og lemur látlaust á meirihlutanum fyrir meinta óstjórn.
Athygli vekur að Hildur Björnsdóttir, leiðtogi Sjálfstæðismanna, hefur sig ekki mikið í frammi í þessum umræðum og virtist um tíma vera týnd. Hún átti þó sterka en ekki málefnalega innkomu í umræðuna þegar hún taldi víst að Einar Þorsteinsson, leiðtogi Framsóknarflokksins, yrði ekki borgarstjóri um áramót, þegar hann á að skipta við Dag. Hans hlutverk yrði fremur að vera slitastjóri. Víst er að áhyggjur eru uppi vegna stööunnar og Einar fær samúð fyrir að þurfa að taka við rekstri Reykjavíkur í lamasessi. Hann telst þó heppinn að vera ekki að taka við rekstri Árborgar sem undir stjórn Sjálfstæðisflokksins er í mun verri stöðu en Reykjavik og á mörkum gjörgæslu …