- Auglýsing -
Blaðamaðurinn umdeildi, Eiríkur Jónsson, fer ekki alltaf troðnar slóðir. Frétt hans á eirikurjonsson.is um að Gunnar Smári Egilsson sé gjarnan ráðgefandi gestur hjá verkalýðsforingjanum Ragnari Þór Ingólfssyni varð til þess að Ragnar sendi út yfirlýsingu þar sem Eiríkur fær stimpil sem slúðurberi.
„Eiríkur bar málið ekki undir Ragnar Þór enda virðist ekki um að ræða frétt og tilgangurinn er ekki að miðla réttum upplýsingum til lesenda. Tilgangurinn með umfjöllun Eiríks er að koma af stað ósannri slúðursögu. Þess má geta að skrifstofa VR í Húsi verslunarinnar hefur verið lokuð í langan tíma vegna Covid,“ segir í yfirlýsingu Ragnars. Beðið er eftir afsökunarbeiðni á bloggsíðu Eiríks …