Eitrað fyrir Páli skipstjóra!

Páll Vilhjálmsson, sögukennari við Fjölbrautarskólann í Garðabæ, heldur því stöðugt fram á bloggsíðu sinni að eitrað hafi verið fyrir Pál Steingrímsson, skipstjóra og skæruliða Samherja, og hann síðan rændur farsíma sínum að undirlagi eða jafnvel fyrir tilstilli Ríkisútvarpsins sem hafi notað góssið til þess að uppljóstra um skæruliðadeild Samherja sem hafði það hlutverk að rægja þá sem ekki féllu í kramið hjá Samherja. Söguskýring sögukennarans í Garðabæ á sér enga stoð aðra en þá sem varð til í kolli hans. „RÚV stendur að alvarlegum glæp, manni er byrlað eitur og stolið er frá honum,“ skrifaði Páll kennari sem starfar í skjóli og undir velþóknun Kristins Þorsteinssonar skólameistara. Spurt er hvaða kennslu unglingarnir í Garðabæ fái. Væntanlega er nútímasagan sú að krökkunum er innrætt að Samherjamenn hafi verið ofsóttir af glæpahneigðum starfsmönnum Ríkisútvarpsins og að eitrað hafi verið fyrir blásaklausum skipstjóra í þeim slag …